OFICIOS E PROFESIÓNS

OFICIOS E PROFESIÓNS

Hoxe imos repasar os oficios e profesións. Xa sabes de que che gustaría traballar cando sexas maior? De que traballan os teus pais? Sabes que é o que teñen que facer? Que ferramentas utilizan? Como é o seu lugar de traballo? Gústalles facelo? Fala con eles de todo iso.

A continuación, imos ler atentamente este conto.

O ALEGRE VARREDOR

Estaban un mozo un pouco vándalo e os seus amigos pasando o día nun parque de atraccións. Chegaron moi cedo e todo estaba baleiro e limpo, cando viron ao varredor do parque, cantando e bailando mentres varría. Como todo estaba tan limpo, fíxolles moita gracia verlle traballar tan alegre desde tan cedo e non deixaron de contar chistes e gastarlle bromas pesadas. Pero el non se molestaba e seguía varrendo a súa limpa rúa, así que comezaron a tirar papeis e bolsas ao chan, "para darlle traballo". Cando chegaron máis visitantes, e viron ao mozo e os seus amigos tirando bolsas e lixo ao chan, pensaron que era un dos xogos do parque, e o mesmo pensaron os seguintes visitantes, e os seguintes, e antes de que ninguén puidese darse conta, o parque estaba até arriba de lixo, e o bo varredor non daba abasto.

A ninguén parecía importarlle, pero empezou a ocorrer algo estraño. Segundo pasaba o tempo, as atraccións do parque íanse baleirando, e cada vez había máis persoas coa cabeza baixa mirando o chan, ata que ao final do día, ninguén facía cola nos divertidos xogos do parque, e todo o mundo se dedicaba a mirar ao chan. Que estará a pasar? Dicían os encargados do parque.

Pois... que todos estaban a buscar algo!.

Resultou que, ao longo do día, a todo o mundo lle caeu algo ao chan, pero como estaba cheo de bolsas, papeis e lixo, en canto algo caía... era case imposible atopalo!

E como aquilo non tiña remedio, tiveron que pórse de acordo para limpar o parque entre todos e logo atopar as súas cousas. Pero animados polo varredor, fixérono cantando e bailando, e puxéronlle tantas ganas e foi tan divertido, que desde aquel día crearon un xogo novo no parque onde todos, armados de escobas e bolsas, dedicábanse a limpar un intre rindo e bailando.

Pedro Pablo Sancristán

Gustouche o conto? Responde as seguintes preguntas:

• Que fixo o mozo e os seus amigos cando chegaron ao parque?
• Por que tiraban lixo ao chan?
• A xente que chegaba ao parque facía o correcto? Por que?
• Que consecuencia tivo que tirasen lixo ao chan?
• Como o solucionaron?
• Cres que todos os traballos son importantes?
• 
  
• Imos ver o seguinte vídeo sobre os tipos de traballos que hai. Fíxate ben

Agora, nun folio, tenta responder a estas preguntas. Se non sabes algunha déixaa en branco.

• Os traballos segundo o sitio onde se realizan, podémolos dividir en tres grupos. Lembras cales son?
• Que se obtén dos traballos que se realizan na natureza? Pon varios exemplos.
• Que se obtén dos traballos nas fábricas? Pon varios exemplos.
• Os traballos que dan servizo que beneficio obteñen? Pon varios exemplos.

Volve ver o vídeo e comproba as túas respostas.