DÍA MUNDIAL DOS OCÉANOS

DÍA MUNDIAL DOS  OCÉANOS

Sabiades que o 8 de xuño se celebra o Día Mundial dos Océanos? Mirade o seguinte vídeo:

O 8 de xuño é unha data establecida pola ONU co obxectivo de recoñecer a importancia que teñen os océanos para todas as especies, xa que representan o principal pulmón do planeta, e son os responsables de xerar o osíxeno e lograr o equilibrio ecolóxico tanto acuático como terrestre.

Os océanos son moi importantes porque son a principal fonte de vida. Con todo, a través dos anos a humanidade provocou un gran dano e total destrución dos mares e océanos.

Cada ano son miles as especies de plantas e animais que se extinguen debido á gran cantidade de desperdicios e axentes contaminantes que son depositados nas augas do mar e, aínda que algúns gobernos tomaron medidas para emendar o problema,  non foron suficientes para evitar a extinción de grandes ecosistemas mariños que morren por estas causas.

Os océanos representan o gran pulmón do mundo, xa que deles obtemos o osíxeno, e no seu ciclo natural dáse un proceso de filtración e purificación do aire.

Dos océanos os seres humanos obtemos alimento, e extraemos recursos enerxéticos como o gas ou o petróleo, metais preciosos…

Mirade o seguinte vídeo atentamente. Entre todos imos tomar conciencia dos importantes que son os océanos e imos evitar facer calquera cousa que os prexudique.

Agora xa sabedes o importantes que son os océanos para o planeta. Ollo co lixo que tiramos, porque a maioría vai parar ao fondo do mar.