REPASANDO A DIETA SAUDABLE

A semana pasada estivemos a repasar os hábitos saudables. Hoxe imos afondar nun moi importante: a dieta saudable.

Lembras os alimentos que debes tomar con maior frecuencia? Imos refrescar a memoria vendo o seguinte vídeo.

A DIETA SAUDABLE

Unha dieta debe ser equilibrada e suficiente. Equilibrada, cando nos achega a cantidade adecuada de cada nutriente; suficiente, cando nos achega a enerxía que necesitamos, pero non máis.

Cales son as recomendacións para unha dieta saudable?

·         Facer 5 comidas ao día.

·         Tomar alimentos variados.

·         Non abusar de alimentos preparados.

·         Non tomar moito sal.

Para que serve a roda da alimentación?

Axúdanos a conseguir unha dieta equilibrada. Divídese en grupos de alimentos. Necesitamos tomar alimentos de todos os grupos, pero máis dos que ocupan máis espazo. No centro inclúense dúas cousas esenciais: tomar moita auga e facer exercicio.

A roda tamén podes atopala en forma de pirámide.

Lembra que debemos tomar moita froita e verdura e alimentos con hidratos de carbono (mellor se son integrais). Non habemos de abusar de doces e pasteis, nin carnes roxas e graxas de orixe animal.

Agora imos ver o seguinte vídeo sobre a pirámide alimentaria.

Tenta responder as seguintes preguntas:

·         Comes moi pouco ou nada de “bollería” e chuches?

·         Comes todo tipo de proteínas (peixe, carne e ovos) ? Comes máis peixe que carne?

·         Tomas lácteos a diario (entre unha e tres veces ao día)?

·         Tomas cinco racións ao día de verdura e froita?

·         Lembras cales eran os hidratos de carbono? Tomas algún deles a diario?

Se respondiches a todo que si, e fas deporte e bebes moita auga, parabéns, porque crecerás forte e san!