REPASAMOS OS HÁBITOS SAUDABLES

HÁBITOS SAUDABLES

Hoxe imos lembrar cales son os hábitos saudables. Le atentamente o seguinte texto e mira os vídeos (se é posible acompañado). Anota nun papel todo o que poderías mellorar e tenta aplicalo no teu día a día.

OS HÁBITOS DE VIDA SAUDABLES

Uns bos hábitos desde pequenos axúdannos a ter un bo desenvolvemento tanto físico como mental, en definitiva unha vida máis sa e feliz. Aquí vos deixamos unha lista de hábitos de vida saudables que podedes aplicar no día a día.

1. Alimentación

Unha boa alimentación fai que teñamos máis enerxía, axúdanos a previr enfermidades e contribúe a que crezamos fortes e sans.

Importante:

·         Establecer horarios para a comida para afacer ao corpo a unha rutina.

·         Facer unha planificación semanal para que as comidas sexan equilibradas e variadas.
t      Tomar cinco pezas de froitas e verduras diarias.

·         Realizar un bo almorzo para ir con enerxía ao colexio pola mañá.

·         Tomar carne sen graxa, peixe e ovos.

·         Gozar en familia do momento de polo menos una das comidas.

Evitar:

·         As comidas graxas e fritas.

·         Petiscar entre horas.

·         A comida rápida.

·         A “bollería” industrial.

2. Hidratación

O risco de deshidratación é maior nos nenos que nos adultos debido a que a súa temperatura corporal aumenta máis rápido.

Os expertos recomendan que os máis pequenos leven unha botella de auga mineral para que durante o día poida ir hidratándose.

Unha boa hidratación axuda a manter hidratados os órganos e é necesaria para que o noso organismo se desfaga das toxinas , así como manter a temperatura corporal.

Dependendo da idade dos máis pequenos, é importante saber que cantidade de auga necesitan beber. Por exemplo, o Instituto de Auga e Saúde recomenda que os nenos de entre 4 e 8 anos deben beber 1,2L de auga ao día.

3. Hixiene

A hixiene é esencial no día a día. Hai que lavar os dentes despois de cada comida, enxaboar ben o corpo na ducha e lavar o pelo. É moi importante lavar moi ben as mans antes de comer para eliminar calquera tipo de bacteria.

4. Saúde bucodental

En relación coa hixiene hai que facer fincapé na saúde oral. As enfermidades bucodentais poden aparecer debido a unha mala alimentación e por non facer unha boa técnica de limpeza ao lavar os dentes. É moi importante que desde ben pequenos introduzamos nas nosas tarefas diarias limpar moi ben os dentes.

Como se lavan os dentes?

Quédannos aínda tres hábitos importantes que repasaremos mañá. Gardade o papel para seguir anotando!