REPASANDO HÁBITOS!

CONTINUAMOS COS HÁBITOS SAUDABLES

Bos días!

Imos continuar cos hábitos saudables que empezamos a repasar onte.

Quédannos tres. Tedes o papel para seguir anotando todo o que podedes mellorar?

Comezamos!

1. Sono

É importante durmir unhas 8 horas diarias para que a mente e o corpo poidan descansar e liberar tensións. Crear rutinas para a hora de deitarse axuda a crear un bo hábito do sono.

 Algunhas pautas a seguir son:

·         Establecer un horario para deitarse.

·         Rodearse dun ambiente tranquilo e cómodo, unha luz tenue que convide á relaxación.

·         Cear alimentos lixeiros.

·         Non beber moito antes de deitarse.

·         Non utilizar dispositivos dixitais antes de ir para cama porque que fan que te actives. É moito mellor ler un conto.

A falta de sono pode afectar negativamente o estado de ánimo, do mesmo xeito que a capacidade para concentrarte nas tarefas diarias.

2.  Exercicio físico

Investigacións destacan que facer exercicio físico todos os días, axuda a mellorar moito a saúde.

Facer un uso excesivo dos videoxogos pode facer que teñamos problemas de costas, de vista ou mesmo, o non exercitar o corpo, leva a un mal desenvolvemento corporal.

Facer 30 minutos mínimo de actividade física ao día mellora o rendemento escolar e o ánimo. Pero nunca debe converterse nunha obrigación, debe ser divertido e débese gozar. É bo organizar actividades ao aire libre en familia para gozar todos xuntos.

3. Limitacións cos dispositivos móbiles e TV

Os nenos pasan fronte ás pantallas entre tres e cinco horas diarias cando o recomendable é dunha a dúas horas máximo. Recordade que debemos ver un tipo de canles que sexan aptos para a nosa idade.

Poñede en práctica estes consellos que seguro que farán que vos atopedes mellor!